أسئلة شائعة
أجوبة قصيرة عن تورينو، الضمان والصيانة، اختيار الجهاز، والطلب.
عن تورينو
شنو هي تورينو (TORINO)؟
تورينو براند ليبي لأجهزة المطبخ: غاز غاطس بمقاسات 60 و76 و90 سم، وكوشة غاطسة، وشفاطات، وميكرويف. في السوق الليبي من أكثر من 7 سنوات. من نحن
مين يملك تورينو؟
تورينو براند خاص بـشركة المجد للإلكترونيات (Almajd Electronics)، شركة ليبية تأسست سنة 2000 في طرابلس، طريق الشط. تورينو مش وكالة، هي براند الشركة نفسها. قصتنا
وين نقدر نشري أجهزة تورينو؟
من موقع تورينو الرسمي torino.com.ly بالدفع عند الاستلام والتوصيل لكل مدن ليبيا، أو على واتساب دعم تورينو 094 191 9219، أو من شركة المجد للإلكترونيات في طرابلس، طريق الشط. الفروع والصيانة
الضمان والصيانة
كم مدة ضمان تورينو؟
3 سنوات على الغاز والشفاطات، وسنة على الكوشة والميكرويف. الضمان على عيوب التصنيع ويبدا من يوم الاستلام. تفاصيل الضمان
كيف نطلب صيانة لجهاز تورينو؟
كلّم دعم تورينو على واتساب 094 191 9219، وابعت رقم الطلب أو صورة الفاتورة وموديل الجهاز ووصف المشكلة، والفريق يحددلك موعد. أوقات العمل: السبت إلى الخميس، من 9 الصبح لـ 6 المساء. خطوات طلب الصيانة
هل قطع الغيار متوفرة؟
إيه، قطع الغيار الأصلية متوفرة عندنا في ليبيا.
وين مركز صيانة تورينو؟
مركز صيانة واحد في طرابلس، طريق الشط. تحجز الصيانة عن طريق دعم تورينو على واتساب 094 191 9219. العنوان وأوقات العمل
كيف نتواصل مع دعم تورينو؟
واتساب أو اتصال على 094 191 9219 للمبيعات والضمان والصيانة. أوقات العمل: السبت إلى الخميس، من 9 الصبح لـ 6 المساء.
اختيار الجهاز
كيف نختار الغاز الغاطس؟
ابدا بفتحة الرخام (هي اللي تحدد المقاس)، بعدها عدد العيون حسب طبخ عيلتك، وبعدها السطح: زجاج أسهل في التنظيف وستانلس أقوى على الخدش. موديلات الغاز الغاطس
غاز 60 ولا 90 سم؟
في موديلات تورينو: غاز 60 سم فيه 4 عيون (وموديل واحد بـ 5) ويناسب المطبخ الصغير والمتوسط، وغاز 90 سم فيه 5 أو 6 عيون ويناسب العيلة الكبيرة والطبخ الكثير، وبينهم مقاس 76 سم بـ 5 عيون. والأهم من الرغبة: المقاس اللي تسمح بيه فتحة الرخام. قارن المقاسات
كيف نقيس فتحة الرخام للغاز الغاطس؟
قيس عرض الفتحة المقصوصة في الرخام من الحافة للحافة. فتحة 56 سم تناسب غاز 60، و72 سم تناسب 76، و86 سم تناسب 90. العمق والمقاس الدقيق لكل موديل مكتوب في مواصفاته.
كيف نختار الشفاط؟
خلّي عرض الشفاط نفس عرض الغاز أو أكبر منه (شفاط 60 مع غاز 60، وشفاط 90 مع غاز 90)، وشوف قوة الشفط ونوع التركيب في مواصفات كل موديل. موديلات الشفاطات
الطلب والتوصيل
هل تورينو تركّب الجهاز؟
لا، الطلب ما فيهوش خدمة تركيب. ركّب الجهاز عند فني، وتأكد قبل الطلب من مقاس فتحة الرخام المكتوب في مواصفات الموديل. كيف تقيس الفتحة
هل الدفع عند الاستلام؟
إيه، نقدي أو بطاقة مصرفية أو دفع إلكتروني عند الاستلام، وما تدفعش أي حاجة قبل ما يوصلك الجهاز. التوصيل والدفع
قداش رسوم التوصيل؟
الرسوم حسب مدينتك وحجم الجهاز، وتبان في صفحة الطلب قبل ما تأكد. التوصيل مع درب السبيل لكل مدن ليبيا. التوصيل والدفع
نقدر نبدّل الجهاز؟
خلال 3 أيام من الاستلام لو فيه عيب مصنع، أو وصلك غير اللي طلبته، أو تضرر في التوصيل، والجهاز في علبته وما تركبش. في الحالات هذي الاستبدال على حسابنا. شروط الاستبدال
ما لقيتش سؤالك؟
آخر مراجعة: