التوصيل والدفع
نوصلوا لكل مدن ليبيا، وتدفع عند الاستلام بعد ما تشوف الجهاز.
كيف يمشي طلبك
- تطلب من الموقع بدون حساب، أو على واتساب.
- نتصلوا بيك نأكدوا الطلب والعنوان وموعد التوصيل.
- يوصلك الجهاز مع شركة التوصيل درب السبيل، تفحصه قدام المندوب، وتدفع.
رسوم التوصيل
الرسوم تنحسب حسب مدينتك وحجم الجهاز في علبته (الكوشة مثلاً أكبر من الشفاط)، وتبان في صفحة المنتج والسلة وصفحة الطلب أول ما تختار مدينتك، قبل ما تأكد. توا الرسوم بين 5 د.ل و50 د.ل حسب المدينة.
مدة التوصيل
- طرابلس وسوق الجمعة: خلال ساعتين من تأكيد الطلب.
- باقي المدن: المدة حسب جدول شركة التوصيل درب السبيل لكل مدينة، وتبان في صفحة الطلب، ونأكدوها معاك في مكالمة التأكيد.
الدفع
- نقدي عند الاستلام.
- بطاقة مصرفية عند الاستلام.
- دفع إلكتروني عند الاستلام.
ما تدفعش أي حاجة قبل ما يوصلك الجهاز. مندوب التوصيل يقبل الكاش والبطاقة والدفع الإلكتروني.
التركيب
الطلب ما فيهوش خدمة تركيب. ركّب الجهاز عند فني، وقبل ما تطلب الغاز الغاطس تأكد من مقاس فتحة الرخام (مكتوب في مواصفات كل موديل).
لو فيه مشكلة في الاستلام
افحص الجهاز قدام المندوب. لو وصلك متضرر أو غير اللي طلبته، شوف الاستبدال والاسترجاع، ولعيوب التصنيع بعدها الضمان والصيانة.
آخر مراجعة: